Бұл — алты ұпайға бағаланатын матч. Өскемендіктер «Қайсармен» орын ауыстырып қана қоймай, кеше «Жетісу» жасағандай, психологиялық тұрғыдан да қайта серпіліп алуы мүмкін.
«Астана» – «Елімай» матчының да маңызы зор. Екі команда қола жүлде мен еурокубок жолдамасы үшін таласып жатыр. Оның үстіне, Қазақстандағы деңгейі жоғары екі клуб кездеседі. Командалардың күштері шамалас. Соңғы екі матч та тартысты өтіп, 2:2 және 3:3 есебімен аяқталған.
Қостанайда «Тобыл» «Ұлытауды» қабылдайды. Екі команда да турнирлік кестедегі өз міндеттерін шешіп жатыр, бірақ мүмкіндігінше жоғары көтерілуді көздейді. Бұл ойында солтүстіктік командаға басымдық береміз. «Тобыл» өз алаңында ойнайды, ал «Ұлытау» сырт алаңда әлсіздеу. Бұған қоса, қостанайлықтардың деңгейі жоғары әрі жеңіске деген ынтасы да басым.
