Бұл маман туралы көп ақпарат жоқ, бірақ үш маңызды деректі атап өтуге болады.
Біріншіден, 2021 жылы Еслямов «Ақсумен» бірге Бірінші лигада чемпион атанып, команданы ҚПЛ-ға шығарды.
Екіншіден, араға бір жыл салып «Қайсармен» Бірінші лигада күміс жүлде жеңіп алып, команданы тағы да Премьер-лигаға алып шықты.
Үшіншіден, 2023 жылы «Ұлытаумен» бірге Екінші лиганың чемпионы атанды.
Сонымен қатар ол Қазақстанның U-17 жасөспірімдер құрамасында жұмыс істеді және ұлттық құраманың бапкерлер штабының мүшесі болды.
Енді оның Павлодардағы жұмысы қалай өрбитінін уақыт көрсетеді. Дегенмен, Премьер-лига — Бірінші лига да, Екінші лига да емес. Мұндағы бәсеке әлдеқайда жоғары әрі талап та қатаң.
