Егер байыппен айтсақ, бұл жеңіс бірнеше себепке байланысты өте маңызды.
Біріншіден, еурокубоктар қарсаңында командаға жақсы серпін берді. Екіншіден, «Елімайдың» үшінші орын үшін күрестегі позициясын нығайтты. Үшіншіден, Петропавлдағы жеңіс клуб басшылығы мен бапкерлер штабын біраз уақытқа болса да кез келген сыннан арашалап, тыныстауға мүмкіндік берді. Өйткені Петропавлда жеңіске жету қашанда жоғары бағаланатын. Дегенмен, «жоғары бағаланатын» деген де шартты ұғым. Бұрыннан солтүстікте ойнау қиын саналып келген. Бірақ қазір бұл командаға Премьер-лигада қалу үшін күресу бұйырғандай. Ал петропавлдықтар маусым басындағы басымдығынан айырылып, қарсыластарына ұпай сыйлайтын командаға айналып барады. Мүмкін, Александр Жуковский оларды қайта жігерлендірер.
Ал «Алтай» чемпионаттағы алғашқы өз алаңындағы жеңісіне қол жеткізіп, өзін әлі ерте есептен шығаруға болмайтынын анық көрсетіп отыр. Шынында да, бұл үш ұпай шығысқазақстандықтарға турнир кестесіндегі қауіпті аймақтан шығуға мүмкіндік берді. Алайда алда Премьер-лигада қалу үшін өте тартысты күрес күтіп тұр. Тіпті чемпиондық үшін таластан да қызу болмақ.
