Қарағандыда Шахтер күні кең көлемде аталып өтті. Орталық саябақтың бас алаңы футболшыларды, жанкүйерлерді және қала тұрғындарын бір жерге жинады.
Кештің басты кейіпкерлері — «Шахтердің» футболшылары мен Андрей Финонченко бастаған жаттықтырушылар штабы.
Команда капитаны Игорь Шацкий қарағандылықтарды мерекемен құттықтаса, клуб иесі Тимур Турлов команданың Премьер-лигаға қайта оралуына тоқталып, алдағы жоспарларымен бөлісті.
Кеште ерекше сәттер де болды. Арман Нүсіп Дима Биланның «Я твой номер один» әнін орындап, көпшілікті таңғалдырды.
Командаға әрдайым қолдау көрсетіп жүрген клуб достарына да алғыс айтылды. «Бахус» автосалоны «Шахтерді» қолдап, командамен бірге осы маңызды оқиғаны атап өтті.
Бұл кеш тағы бір мәрте «Шахтердің» Қарағандының ажырамас бөлігі екенін көрсетті. Бұл — қаланың тарихы, мінезі және үлкен футбол отбасы.
